15 шілде 2015 | 18:06

Иракта 50 градус ыстыққа байланысты демалыс жарияланды

Ирак үкіметі аптап ыстыққа байланысты 16 шілдені демалыс күні етіп жариялады, - деп хабарлайды РИА Новости. Басылымның мәліметінше, елде ауа температурасы күрт жоғарылап, бірқатар аумақта термометр бағаны 50 градусты көрсеткен.

Ирак үкіметі аптап ыстыққа байланысты 16 шілдені демалыс күні етіп жариялады, - деп хабарлайды РИА Новости. Басылымның мәліметінше, елде ауа температурасы күрт жоғарылап, бірқатар аумақта термометр бағаны 50 градусты көрсеткен.

Министрлер кеңесі төрағасының орынбасары Хасан аль-Джанаби 16 шілдеде құқық қорғау органдары мен банк қызметкерлерінен басқаларының демалатынын айтты. Елу градустық ыстық Иракта соңғы екі күнде тіркелді, ол 18-19 шілдеге дейін жалғасады.

Аптап ыстық Жапонияда да сезіліп жатыр. Бір күнде елде жеті адам қаза тауып, 726 адам ауруханаға жеткізілді. Ауруханаға түскендердің көбі жасы 70-тен асқан қариялар. Олардың сегізі ес-түссіз жатыр.

Ыстық ауа райына байланысты ескерту Жапонияда төртінші күн қатарынан жарияланды. Кей аймақтарда ауа температурасы 37 градустан жоғары. Фукусима, Кобэ, Саг қалаларында күн 35-36 градус ыстық, Токио, Осака және Киотода ауа температурасы 33-34 градус шамасында.

Метеорологтар жоғары температураға байланысты адамдарға желдеткіш қолдануға, көшеде ұзақ жүрмеуге, сонымен қатар үнемі су ішіп жүруге кеңес берді.

Ирак Ауа райы