Астанада жолаушыларға арналған шағын автобус өртенді, - деп хабарлайды Astinfo.kz.
23 шілде күні сағат 9.28-де Астанадағы ТЖД өрт сөндіру қызметінің "101" пультіне Пушкина, 9 көшесінде шағын автобустың өртеніп жатқаны туралы хабар келіп түсті.
Оқиға орнына өрт сөндіру бөлімінің қызметкерлері барған кезде №109 жолаушылар автобусы өртеніп жатты. Жолаушылар шағын автобустан өздері түсіп кеткен.
Қызметкерлер оқиға орнына 4 минуттан соң жетті. Өрт сөндірушілер оқиға орнында жұмыс істеп жатыр. Екі арнайы техника мен жеке құрамнан 9 адам жұмылдырылды. Зардап шеккендер мен қаза тапқандар жоқ. Өрттің шығу себебі анықталып жатыр.
