+7 (777) 001 44 99
Қазақша
Русский
English
Анталияда жыл басынан бері 12 қазақстандық қайтыс болды, - деп хабарлайды Tengrinews.kz тілшісі ҚР СІМ ресми өкілі Алтай Әбибуллаевқа сілтеме жасап.
"Кейбір жалпы мәліметтерге назарларыңызды аударғым келеді. Естеріңізде болса, осының алдында жол апатынан біздің азаматымыз Константин Иванов осы жолда қайтыс болған еді. Бұл тасжол туристер үшін қауіпті. Осы жылдың басынан бері Қазақстанның 12 азаматы қайтыс болды, олардың үшеуі жол-көлік оқиғасынан қаза тапты. 9 адам денсаулығының нашарлауынан көз жұмды. Біз, біздің консулдық қызметкерлер барлық қажетті көмекті көрсету үшін күшейтілген режимде жұмыс істеп жатырмыз", - деді Әбибуллаев СІМ-дегі баспасөз мәслихатында Памуккаледен Анталияға баратын жол жайлы сөзінде.
Түркияда 6 тамызда ірі жол апаты болып, 18 жастағы қазақстандық қаза тапты. Тағы алты қазақстандық ауруханада жатыр.
