+7 (777) 001 44 99
Қазақша
Русский
English
Астанада сауналардың әкімшілері ұсталды, - деп хабарлайды Tengrinews.kz тілшісі елорда ІІД баспасөз қызметіне сілтеме жасап.
Баспасөз қызметінің мәліметінше, рейд жүргізген полицейлер бірнеше саунаның әкімшісін ұстады.
"Жеңгетайлық жасағаны үшін саунаның 49 жастағы әкімшісі ұсталды, ол пайда көру мақсатында сауна клиентіне жыныстық қызмет көрсетуші 19 жастағы қызды ұсынған. Бұл әрекеті үшін әйел бес мың теңге ақша алыпты. Келесі саунаны тексеру барысында 25 жастағы әкімші ұсталды, ол да жеңгетай болып, сауна клиентіне қызды ұсынып, үш мың теңге алған", - делінген хабарламада.
Полицейлер тағы бір әкімшіні ұстады, ол бес мың теңге алып, саунаның клиентіне жыныстық қызмет көрсететін бір қызды ұсынған.
