+7 (777) 001 44 99
Қазақша
Русский
English
Футболдан Қазақстан құрамасы Евро-2016 іріктеуінің қорытынды матчында Латвияның ұлттық құрамасын жеңді, - деп хабарлайды Vesti.kz.
Ригада өткен кездесу 1:0 есебімен аяқталды. Бірінші таймда Қазақстан мен Латвияның командалары гол соға алмады. Алайда Юрий Красножанның шәкірттері қауіптірек көрінді, олар екі қауіпті сәт жасады.
Екінші таймға командалар ойыншы ауыстырмай шықты. Қазақстан құрамасы 65-ші минутта есеп ашты. Қорғаушылардан қашқан Исламбек Қуат құлап бара жатып, Латвияның қақпасына допты бағыттап үлгерді. Бұл оның ұлттық құрамада соққан екінші голы. Біріншісінде ол Астанада Голландия қақпасына гол соққан еді. Бұдан кейін де Қазақстан құрамасы есепті еселей алар еді, бірақ шабуылды аяқтауда дәлдік жетіспеді. Матч туралы толығырақ мына жерден оқи аласыздар.
Осылайша, Қазақстан құрамасы іріктеу кезеңіндегі соңғы матчта жалғыз жеңісіне қол жеткізді. Юрий Красножанның шәкірттері Латвиямен және Исландиямен тең ойнаған еді. Екі матч та 0:0 есебімен аяқталды.
