03 қараша 2015 | 10:13

ОҚО-да 17 мың теңгеге бола үй иесін өлтірді делінген күдіктілер ұсталды

Оңтүстік Қазақстан облысында бетперде киіп, үйді тонап, иесін өлтірген күдіктілер ұсталды, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап. Күдіктілер 1987 және 1995 жылғы ер адамдар. Құқық қорғау органдарының мәліметінше, олар өз кінәларын толық мойындады және полицейлерге қаруларын қай жерге лақтырғандарын көрсетті.

Оңтүстік Қазақстан облысында бетперде киіп, үйді тонап, иесін өлтірген күдіктілер ұсталды, - деп хабарлайды Tengrinews.kz тілшісі ОҚО ІІД баспасөз қызметіне сілтеме жасап. Күдіктілер 1987 және 1995 жылғы ер адамдар. Құқық қорғау органдарының мәліметінше, олар өз кінәларын толық мойындады және полицейлерге қаруларын қай жерге лақтырғандарын көрсетті.

Күдіктілер УҰИ-ге қамалды. Оқиға дерегі бойынша екі баппен қылмыстық іс тергеліп жатыр. Бұл тергеу департамент басшысының қатаң бақылауына алынды және қылмысты ашу мақсатында арнайы жедел-тергеу тобы құрылды. "Қазіргі таңда қылмысқа қатысы бар үшінші адамды ұстау шаралары жүріп жатыр, оның кім екені анықталды", - делінген хабарламада.

Еске сала кетейік, оқиға 27 қазанда Сарыағашта болды. Сағат 21.30 шамасында ауыл тұрғынының үйіне үш адам қарулы шабуыл жасады. Олар үй иесі мен сол үйдің итін атып тастады. Осыдан кейін зардап шегушінің әйелін қорқытып, 17 мың теңгені, 78 мың сомды алып, оқиға орнынан қашып кетті. 41 жастағы ер адам есін жимастан ауруханада жан тапсырды.

Құқық қорғау органдары Тонау Оңтүстік Қазақстан облысы Кісі өлтіру