+7 (777) 001 44 99
Қазақша
Русский
English
Түркия президенті Режеп Тайып Ердоған Таяу Шығыс елдерін өңірдегі конфессияаралық араздықты қоздыруға қарсы бірігуге шақырды, - деп хабарлайды "РИА Новости".
Түрік лидері "Әл-Арабия" телеарнасына берген сұхбатында "Әлемде бізді бөлу туралы ниет бар, сондықтан біз күш біріктіруіміз керек. Ирак, Сирия, Палестина және Ливия елдерінде не болып жатқанын көріп отырсыздар", - деп мәлімдеді.
Ердоған өңірдегі елдерге осы мәселелерді өткеруі қажет екенін және егер бұл іс қолдан келсе ислам әлемі бұдан да күшті бола түсетінін айтып өтті. Ол Түркия мен Иранның арасында өңірлік мәселер жөнінде бірқатар қайшылықтың бар екенін айтты.
"Түркия мен Иранның арасында қайшылықтар бар, бірақ осы қайшылықтар тату көрші қатынасына әсер еткенін қаламаймын. Конфессияаралық ерекшеліктер бізді жау етпеуі керек, ислам біздің бағдарымыз болуы керек", - деп мәлімдеді Ердоған.
