30 желтоқсан 2015 | 11:25

Шығыс Қазақстанда жүкті әйел қар құрсауында қалған көлікте босана жаздады

Шығыс Қазақстанда жүкті әйел қар құрсауында қалған көлікте босана жаздады, - деп хабарлайды Tengrinews.kz тілшісі облыстық ТЖД баспасөз қызметіне сілтеме жасап.

Шығыс Қазақстанда жүкті әйел қар құрсауында қалған көлікте босана жаздады, - деп хабарлайды Tengrinews.kz тілшісі облыстық ТЖД баспасөз қызметіне сілтеме жасап.

Баспасөз қызметінің мәліметінше, жүкті әйел "Алматы-Өскемен" тас жолынан 52-53 шақырымда тұрып қалған жолаушылар автобусында болған. Жолда тағы үш автобус, сегіз КАМАЗ бен 25 жеңіл автомобиль қар құрсауында тұрып қалыпты. Көліктер жолда бірнеше сағат бойы жол қызметінің көмегін күтеді. Дегенмен кешке қарай автобус жүргізушілерінің бірі жолаушылардың бірінің толғағы басталғанын хабарлайды.

"Құтқарушылар мен "Апаттар медицинасы орталығының" қызметкерлері дереу жолға шықты. Дәрігерердің көлігі көлікке 10 шақырым жер қалғанда тұрып қалған. Сондықтан да дәрігерлер құтқарушылардың көлігімен әйелге жетіп, оны жедел жәрдем көлігіне әкелуге мәжбүр болды. "Апаттар медицинасы орталығының" қызметкерлері әйелді қалаға дейін әкеле алды, кейін перзентхана қызметкерлеріне тапсырды", - делінген хабарламада.

Құтқарушылардың тағы үш әйелді балаларымен бірге қалаға әкелгені белгілі болды. Адамдар жолдың тазаланғанын күтпей, құтқарушылармен бірге Өскеменге оралған.

Әйелдер қазақша жаңалықтар сайты Шығыс Қазақстан облысы соңғы жаңалықтар Балалар