+7 (777) 001 44 99
Қазақша
Русский
English
АҚШ-тың Айдахо штатынан табылған хайуанның өлексесін көрген жұрт жағасын ұстап, аузын ашты, - деп хабарлайды Idaho State Journal басылымына сілтеме жасаған 24.kz телеарнасы.
Аңның өлексесін жақын барып қарағандар оның сол жақ құлағының тұсынан ақсиып-ақсиып өсіп шыққан тістерді көрген. Жергілікті аңшылардың айтуынша, олар мұндай ерекшелігі бар жыртқышты өмірінде бұрын-соңды көрмепті. Қазір аңшының бұл олжасы туралы ақпарат жер-жаһанды шарлап, таңданыспен қоса үрей тудырып отыр екен.
© Twitter.com/CarnivoreSci
Мемлекеттік балық аулау және аңшылық департаментінің мәліметінше, қақ шекесін тіс қаптаған жануар жергілікті шаруаның итіне шауып, талап тастаған. Сол сәттен бері көзге іліккен арыстан ақыры оққа ұшқан екен.
© Twitter.com/CarnivoreSci
Зоологтардың айтуынша, оның шекесіндегі тістер туылған кезде болған. Себебі ол бастапқыда дүниеге егіз болып туылуы керек болған болуы әбден мүмкін. Бірақ, белгісіз себептермен екінші ұрықтың өсіп-жетілуі кенеттен доғарылып қалып, оның жарық көрген осы сыңарының басына туа біткен.
