13 қаңтар 2016 | 10:07

Шетелдіктер теңгенің тұрақсыз бағамына қарамастан, Қазақстанға ағылып жатыр

Шетелдіктер теңгенің тұрақсыз бағамына қарамастан, Қазақстанға ағылып жатыр, - деп хабарлайды "Астана" телеарнасы ірі рекрутингтік агенттіктедің бірінің мәліметіне сілтеме жасап.

Шетелдіктер теңгенің тұрақсыз бағамына қарамастан, Қазақстанға ағылып жатыр, - деп хабарлайды "Астана" телеарнасы ірі рекрутингтік агенттіктедің бірінің мәліметіне сілтеме жасап.

Агенттіктің мәліметінше, Қазақстанға жұмыс іздеп келгендердің өзін де көк қағаздың шарықтаған құны қорқытар емес. Бастысы нәпақа тапсақ болды деген олар жалақыны теңгемен алуға көндіккендей.

Рекрутингтік агенттіктің бас директоры Алма Жандәулетованың айтуынша, елімізге Украинадан келетіндердің қарасы көбейген. "Азаматтарға айтарым, қазір жұмыс орнын жоғалтпау маңызды. Жұмыссыздар саны артпаса, кемімей отыр. Бізге қоңырау шалып жатқандар өте көп. Барлығы жұмыс орнының қысқарғанын айтады. Әрине, сәйкесінше жұмыс берушілер де азайған. Көптеген компаниялар бос орындарға адам алуды уақытша тоқтатып тастады. Тағы бір үлкен мәселе - Украинадан жұмыс іздеп елге ағылғандар саны өсіп барады. Олар кез-келген жұмысқа, кез-келген валютадағы жалақыға келіседі. Өйткені қазір ешкім көк қағазбен айлық төлемейтіні түсінікті", - деді ол.

Еске салайық, KASE қор биржасының күндізгі сессиясында доллар бағамы 367,61 теңгеге тең болған еді. Бұл 11 қаңтарда Brent мұнай маркасы 2004 жылдың сәуірінен бері психологиялық меже саналатын 32 долларға төмендеп, ал WTI маркалы мұнайы 5 пайыздан аса арзандағаннан кейін болды.

Еңбек кодексі Доллар бағамы Доллар Биржа