+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Kolesa.kz сайтының сарапшылары Қазақстанның қолданыста болған автомобильдері нарығындағы белсенділіктің төмендегенін айтты.
Kolesa.kz сайтының сарапшылары Қазақстанның қолданыста болған автомобильдері нарығындағы белсенділіктің төмендегенін айтты.
2015 жылы автомобиль нарығында бірнеше маңызды оқиға болды: Ресейден жаңа және қолданыста болған автомобильдердің жаппай әкелінуі; автосалондарда көлік сатылымының күрт бәсеңдеуі (бұған мемлекеттік бағдарламалар да, автонесиелеу де бөгет бола алмады); теңге бағамының төмендеуі.
"Көптеген сатушыға екі мәселе жаздың соңына дейін шешусіз қалды: сатылатын автомобильдің бағасы қандай болу керек және оны қазір қандай валютамен сатқан қолайлы? Көп адам көліктерін сатуға да, сатып алуға да асықпады", - деді басылым мамандары.
Автомобильдің сатылатыны туралы жарнаманың азаю кестесі.
Өткен жылдың басында сайтта автомобильдің сатылатыны туралы жарнама саны жарты миллионға жуық болса, жыл соңына қарай ол 350-360 мыңға дейін азайған. Автомобиль сатылымының шарықтау шыңы ақпанда болыпты.
Ал қыркүйек айында сайтта автомобиль сату туралы 339 810 жарнама ғана жарияланды. Қазан айында бұл көрсеткіш 352 951-ге жетті. Сарапшылар автомобиль сатылымының азаюы ұлттық валютаның құлдырауымен тікелей байланысты деп отыр.
