+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Науқас сәбиді өлтіремін деп қорқытқан ақтаулық оның анасын тонап кетті, - деп хабарлайды "Тумба". Порталдың мәліметінше, оқиға 27 қаңтарда күндізгі уақытта болған.
Науқас сәбиді өлтіремін деп қорқытқан ақтаулық оның анасын тонап кетті, - деп хабарлайды "Тумба". Порталдың мәліметінше, оқиға 27 қаңтарда күндізгі уақытта болған.
Қаладағы бірінші ықшамауданда орналасқан үйлердің біріндегі пәтер есігін қаққан ер адам өзін "Горгаз" қызметкері деп таныстырған. Бұдан кейін ол нәрестесі мен анасы бар пәтерге кірген. Алайда мұндай ұйым қалада жоқ екен. Ер адам емшектегі сәбидің басына тапанша тақап, оның анасынан барлық құнды затты беруін талап етеді. Әйел пәтердегі бар құнды затты береді. Ер адам 400 мың теңге мен әшекей бұйымдарды алып, жасырынған. Кейін полицияда қылмыскердің фотороботы жасалды.
Бүгін науқас сәбидің анасы оқиғаның мән-жайын айтып берді. Сөйтсе, қолды болған қаражат сәбидің еміне жұмсалуы керек болған екен. Шығынның жалпы сомасы миллион теңгеге жетіпті. Шешесі 28 қаңтарда, бүгін эпилепсиямен ауыратын сәбиін алып, емделуге кетуі тиіс болған.
"Мен баламмен отыра тұратын әйелді күткенмін. Мен баламды аз уақытқа қалдырып, шаруаларымды бітіріп алғым келген. Есікті біреу қаққанда қолымда сәбиім болды, есікті аштым. Бетін жартылай тұмшалап алған ер адам үйдегі газ плитасын тексеруі керектігін айтты. Қолында дәптері болған. Баламды суықтатып алмау үшін ер адамды үйге кіргіздім. Сосын ол тапаншасын алып, сейфті беруімді талап етті", - деді зардап шеккен келіншек.
Әйелдің айтуынша, үйде сейф болмаған. Алайда қолда бар қаражатын беріп қойған. "Балама тапаншаны кезеп, сейфті беруімді талап ете бастағанда мен үйде ешқандай да сейфтің жоқтығын айттым, бірақ бар ақшамды бердім. Осы кезде баламмен отырып беруге келген әйел келіп қалды, сосын ер адам оған да тапаншасын кезеді. Айғайлай бастады, бәрімізді өлтіретінін айтып қорқытты, кейін қорқып кетіп, пәтерден кетіп қалды. Оның түрін жаттап алдым, полицияға түгелдей сипаттап бердім", - деді әйел.
Айта кетейік, ер адам қазіргі уақытта іздестіріліп жатыр.
