+7 (777) 001 44 99
Қазақша
Русский
English
Қазақстанда 1-3 наурыз аралығында жауын-шашын, көктайғақ және күшті желдің соғуы күтіледі, - деп хабарлайды Tengrinews.kz тілшісі "Қазгидромет" кәсіпорны.
"Солтүстік-Атлантика циклонымен байланысты атмосфералық фронттар Қазақстан аумағының батысынан шығысына қарай қозғалып барады. Сол фронттармен солтүстік, орталық және шығыс облыстардың кей жерлерінде жауын-шашын, боран, көктайғақ болып, солтүстік-батыстан жылдамдығы секундына 15-23 метрге дейін жететін желдің соғуы күтіледі", - деді синоптиктер.
Ал оңтүстік облыстар Каспий циклонымен байланысты фронттардың әсерінде болады екен. "Алдағы үш тәулікте бұлтты, жауын-шашын, көбінесе жаңбырлы ауа райы, таулы аймақтарда күшті қарлы жаңбыр күтіледі. Температура төмендейді, алайда барлық аумақта климаттық нормадан жоғары болады", - делінген хабарламада.
