+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қарасай ауданында үйдің шатырына құлаған нысан зымыран оғының бөлігі болуы мүмкін. Қарасай аудандық прокуратурасы Қаскелең қаласындағы жекеменшік үйдің төбесіне снарядқа ұқсас нысанның құлағанын растады, - деп хабарлайды Tengrinews.kz тілшісі.
Қарасай ауданында үйдің шатырына құлаған нысан зымыран оғының бөлігі болуы мүмкін. Қарасай аудандық прокуратурасы Қаскелең қаласындағы жекеменшік үйдің төбесіне снарядқа ұқсас нысанның құлағанын растады, - деп хабарлайды Tengrinews.kz тілшісі.
Қаскелең тұрғынынан қалалық №1 өрт сөндіру бөліміне қоңырау 2 наурыз күні сағат 15.00 шамасында түскен. Үй иесі аспаннан қауіпті нысанның құлағанын хабарлайды. Салдарынан үйдің шатырының бір бөлігі бүлінген.
"Бұл дерек бойынша ҚР Қылмыстық кодексінің 287-бабы 1-бөлігіне ("Суық қаруды алып жүру аңшылық кәсіпшілікке байланысты болған жағдайды қоспағанда, суық қаруды заңсыз алып жүру немесе өткізу, сол сияқты тиiстi рұқсаты жоқ жеке тұлғаларға, ұйымдарға қару-жарақты және оған оқ-дәрілерді сауда ұйымдары жұмыскерлерiнiң сатуы") сәйкес сотқа дейінгі тергеу амалдары жүріп жатыр", - деді прокуратура қызметкерлері.
Қарасай аудандық прокурорының орынбасары Асылбек Аянның айтуынша, нысан Алматыдағы Сот-сараптамалық институтына жарылыс-техникалық сараптамасынан өткізуге жіберілді.
Бүгін, 13 сәуірде сараптама нәтижесі белгілі болды.
Сот-сараптамалық институтының қорытындысына сәйкес, "тексеруге берілген нысанның жарылғыш зат емес екені" анықталды. "Ол "зымыран оғының бөлігі" болуы мүмкін", - делінген прокуратура жолдаған Сот-сараптамалық институтының құжатында.
Қазір тергеушілер зымыранның бөлігі қайдан келуі мүмкін екенін анықтау үстінде. Осы дерек бойынша сотқа дейінгі тергеу жалғасып жатыр.
