+7 (777) 001 44 99
Қазақша
Русский
English
Маңғыстаудағы ауруханаға басына оқ тиген ер адам жеткізілді, - деп хабарлайды Tengrinews.kz тілшісі. Бұл туралы дәрігерлер айтып берді.
Оқиға 25 сәуірде түнгі уақытта болған. Ақтау қаласындағы Маңғыстау облыстық ауруханасына жедел жәрдем бригадасы басына оқ тиген 23 жастағы жігітті жеткізген. Оған шұғыл түрде ота жасалды.
"Науқастың өзі үйінің ауласына шығып, біреудің атқанын естігенін, кейін құлап түскенін айтып берді. Айтуынша, кімнің атқанын ол көрмеген", - деп хабарлады облыстық аурухананың бас дәрігерінің орынбасары Үміт Ілиясова.
Қазіргі уақытта жігіттің жағдайын дәрігерлер "тұрақты ауыр жағдай" деп бағалап отыр. Ол жансақтау бөлімінен бөлімшеге ауыстырылған.
Полицейлер әзірше бұл оқиғаға қатысты түсінік бермеді.
Қару-жарақ
Қайғылы оқиға
қазақ тілінде жаңалықтар
Төтенше жағдай
соңғы жаңалықтар
Маңғыстау облысы
Денсаулық
Ақтау
