Астанадағы ұзын-сонар кептеліс әлі де жалғасып жатыр, - деп хабарлайды Tengrinews.kz тілшісі. Кеңесары көшесіндегі кептеліс бірнеше шақырымға жетті.
Кеңесары көшесінің бойында Жұбанов пен Уәлиханов көшелерінің аралығындағы кептеліс үшінші күн қатарынан сақталып отыр. Кептелістің ұзындығы - шамамен 2 шақырым. Астана тұрғындары әлеуметтік желі арқылы қалада бір бағыттағы қозғалыстың енгізілуіне наразылық білдіріп, кептелісті видеоға түсірді.
Сонымен қатар, Астанадағы Кеңесары даңғылы мен Жұбанов көшесінің қиылысында жол апаты болды. Жол-көлік оқиғасының видеосын куәгерлер редакциямызға жолдады. Кадрдан апаттың салдарынан бағдаршамның сынғанын көруге болады. Куәгерлердің айтуынша, жол-көлік оқиғасы бір бағыттағы көлік қозғалысының енгізілуінен пайда болды.
Еске салайық, 11 маусымнан бастап Астананың бірнеше көшесі бір бағыттағы көлік қозғалысы енгізілді.
· Абай даңғылы (Сарыарқа даңғылынан Сарыарқа көшесіне дейін). Жолдың ұзындығы - 4,6 шақырым;
· Кеңесары даңғылы (Пушкин көшесінен Сарыарқа даңғылына дейін). Жолдың ұзындығы - 4,3 шақырым;
· Янушкевич көшесі (Абай даңғылынан Иманов көшесіне дейін). Жолдың ұзындығы - 0,7 шақырым.