+7 (777) 001 44 99
Қазақша
Русский
English
Алматыда көпқабатты үйдің шатыры өртеніп жатыр, - деп хабарлайды Tengrinews.kz тілшісі.
Өрт Рысқұлбеков көшесінде Қазақ бас сәулет-құрылыс академиясының маңындағы тұрғын үйде шыққан.
Қалалық ТЖД мәліметінше, өртсөндірушілер төтенше оқиға орнына жеткен. Қазіргі уақытта тұрғындар эвакуацияланып жатыр.
СТВ арнасындағы "Территория происшествий" бағдарламасының тілшілерінің хабарына қарағанда, Щепкин 35 мекен-жайындағы ғимараттың шатыры өртенген. Алдын ала мәлімет бойынша, зардап шеккендер жоқ.
Алматы қалалық ТЖД өкілдерінің айтуынша, Бостандық ауданындағы тұрғын үйде шыққан өрт туралы хабар "101" пультіне 12.20-да түскен. "Бірінші өртсөндіру есебі төрт минуттан кейін жетті - 12.24. Өртсөндірушілер суды шаша бастады, сонымен қатарласа адамдарды эвакуациялады. Өрттің таралу қаупі сақталып отыр. Өртсөндіру сатысымен 53 адам эвакуацияланды", - деп мәлімдеді қалалық ТЖД ресми өкілі Сандуғаш Баймұхамбетова.
© "Территория происшествий" бағдарламасының суреті
Куәгер жолдаған сурет
