+7 (777) 001 44 99
Қазақша
Русский
English
Орта салмақта (72,6 келіге дейін) Британия чемпионы Крис Юбенк (23-1, 18 КО) отандасы Том Доранды (17-1, 7 КО) төртінші раундта жеңгеннен кейін қазақстандық боксшы Геннадий Головкинді жекпе-жекке шақырды.
"Геннадий Головкин, саған бара жатырмын. Сенің белбеуіңді алуға барамын... Жұрт сені жеңілмейді деп ойлайды... сен ондай емессің, мен бара жатырмын", - деп келтіреді ағылшынның сөзін Fighthype.com.
Айта кетейк, Лондонда таяуда өткен жекпе-жегінде Юбенк Том Доранды төрт рет ұрып құлатқан болатын. Төртінші раундта рефери кездесуді тоқтатуға мәжбүр болды.
Бір апта ішінде Геннадий Головкин мен Крис Юбенктің жекпе-жегі жария болатыны да хабарланып отыр. Соған қарағанда, жекпе-жек қыркүйекте өтеді, себебі GGG осы айда рингке көтерілуі тиіс екені белгілі.
