Жетім және ата-ана қамқорлығынсыз қалған балалардың мәліметтер қорындағы балалардың анкеталары түзетілді, деп хабарлайды Tengrinews.kz ҚР Білім және ғылым министрлігінің баспасөз қызметіне сілтеме жасап.
"Жетім және ата-ана қамқорлығынсыз қалған балалардың мәліметтер қорындағы балалардың анкеталары түзетілді.
Қазір ҚР Білім және ғылым министрлігі қызметтік тексеру жүргізіп жатыр. Оның нәтижелері көп кешікпей жарияланады. Тексеру нәтижелері жақын күндері жарияланатын болады", - делінген таратылған хабарламада.
2016 жылдың 8 шілдесінде ҚР БҒМ жетім балалар, ата-аналарының қамқорлығынсыз қалған балалардың және балаларды өз отбасына тәрбиелеуге қабылдауға тілек білдірген адамдардың республикалық деректер банкіашылған болатын.
Алайда, ертесіне әлеуметтік желі қолданушылары толтырылған анкеталардың мазмұнына шүйлікті. Мысалы, 4 жасар бала былай сипатталған: "Хоббиі: ештеңемен айналыспайды. Жеке тұлғаның қасиеті: жігерсіз. Ойлау қабілеті: аңғал, ақымақ.
Осы мәселеге байланысты ертеректе Білім министірінің кеңесшісі Балия Әкімбаева мәлімдеме жасаған болатын.
Бүгінде жетім жəне ата-анасының қамқорлығынсыз қалған балалардың жалпы саны - 29 666. Оның 21 780-і қазақстандық азаматтардың отбасында қамқоршылықта, ал 8 066 бала - балалар үйінде тəрбиеленіп жатыр.