+7 (777) 001 44 99
Қазақша
Русский
English
Полицейлер қылмыс болды делінген жалдамалы пәтерден қара сөмкені шығарды, - деп хабарлайды Tengrinews.kz тілшісі оқиға орнынан. Бейресми мәліметтерге сүйенсек, пәтерде ер адамның денесі жатқан. Сөмке қазіргі уақытта полицей көлігінде. Құқық қорғау органдары оқиға орнында жүр.
Айта кетейік, осыған дейін Абылай хан және Райымбек даңғылдарының қиылысында орналасқан үйдің ауласындағы қоқыс жәшігінде ер адамның дене мүшелерін тапқаны жайлы айтылған еді. Алдын ала мәлімет бойынша, адамның қалдықтары - басы және қолы. Ол контейнердің ішіндегі мүшелерді қоқыс жәшіктерін қарап жүрген үйсіз адам көрген. Полицейлер тергеу жұмыстарын жүргізіп жатыр, куәгерлерді сұрастырып жатыр. Оқиға орнына қалалық ІІД-нің басшысы Серік Күдебаев келді. Сондай-ақ оқиға орнында прокурорлар да жұмыс жасап жатыр.
Сонымен қатар, көрші пәтерде тұратын әйел түнгі уақытта ешқандай айқайды естімегенін айтты. Ол пәтердің жалға берілетінін растады.
