Жыл басынан бері 4 млн астам қазақстандыққа 884,7 млрд теңге зейнетақы төленді, - деп хабарлайды Тengrinews.kz тілшісі премьер-министрдің ресми сайтына сілтеме жасап.
2016 жылғы қаңтар-тамыз айларында республикалық бюджеттен базалық зейнетақы төлеу үшін 195,3 миллиард теңге, ортақ зейнетақы төлеу үшін 689,4 миллиард теңге бөлінді.
"1 қыркүйектегі мәліметтерге сай базалық зейнетақыны 2 млн 47 мың адам, ортақ зейнетақыны 2 миллион 20 мың адам алады", - деп нақтылады ДСӘДМ-де.
Естеріңізге салсақ, базалық зейнетақының мөлшері 11 965 теңгені, зейнетақының орта мөлшері 55 049 теңгені құрайды (базалық зейнетақыны қоса есептегенде).