Қостанайда Лада Приора егде жастағы жұпты қағып кетті, - деп хабарлайды Алау порталы.
Қостанайда 25 қыркүйекте жаяу жүргінші өтетін жолда Қайырбеков пен Текстилшілер көшелерінің қиылысында жол-көлік оқиғасы болды. Бұл мәліметті облыстық ІІД-нің баспасөз қызметіндегілер растап отыр.
Лада Приора көлігінің 28 жастағы жүргізушісі екі зейнеткерді - 82 жастағы әжей мен 78 жастағы атаны қағып кеткен.
"Зейнеткер аcа ауыр емес жарақат алған, қазіргі уақытта емханада ем қабылдап жатыр. Ал әжейдің жағдайы ауыр. Ол ауруханада жатыр", - дейді Қостанай облыстық ІІД баспасөз қызметіндегілер.
Айта кетейік, жүргізуші сау болған.