Мәскеуде Қызыл алаңда ер адамды ұрып-соқты деген күдікпен қазақстандық ұсталды, жәбірленуші түрлі жарақатымен жансақтау бөліміне түскен, - деп хабарлайды Mskagency.ru.
"29 қыркүйекке қараған түні полицияға белгісіз біреудің Қызыл алаңда жұмысшыны ұрып-соққаны жайлы хабар түскен. Жәбірленуші түрлі жарақатымен жансақтау бөліміне жатқызылды. Ұрып-соқты деген күдік 23 жастағы ер адамға түсті, ол алдын ала мәлімет бойынша, Қазақстаннан келген және Мәскеуде тұрғылықты мекен-жайы жоқ", - деп хабарлады агенттіктің сұхбаттасушысы.
Қылмыстық іс "Денсаулыққа қасақана ауыр жарақат салу" бабы бойынша қозғалды. Істің мән-жайы мен себебі анықталып жатыр.