Маңғыстаулық шекарашылар пойыздан бір қап насыбай тапты, - деп хабарлайды Тумба.kz.
Ташкент - Үргеніш - Саратов бағытынада жүретін пойыздардың бірінің вагонында бір қап насыбай табылды. Рұқсат етілмеген затты Бейнеу шекара жасағының "Бейнеу т.ж." бақылау-өткізу пунктінің әскери қызметкерлері тапқан. Затты купе ішіндегі төбедегі зат қоюға арналған жерге тығып қойған. Қаптағы насыбайдың жалпы салмағы 55 келі болған.
"Осы іс бойынша Өзбекстанның 33 жастағы азаматы тауарды кедендік одақ шекараларынан өту барысында рұқсат етілмеген заттарды жасырғаны үшін ұсталған. Бейнеу аудандық құқық қорғау органдарына хабарланған", - дейді ҚР ҰҚК шекара қызметінің баспасөз қызметі.