+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Қазақстан ағымдағы жылы 23,1 млн тонна астық жинады, - деп хабарлайды Tengrinews.kz тілшісі премьер-министрдің сайтына сілтеме жасап.
Қазақстан ағымдағы жылы 23,1 млн тонна астық жинады, - деп хабарлайды Tengrinews.kz тілшісі премьер-министрдің сайтына сілтеме жасап.
ҚР премьер-министрі Бақытжан Сағынтаевтың төрағалығымен Қазақстан Үкіметінің селекторлық режимдегі отырысында ҚР ауыл шаруашылығы бірінші вице-министрі Қайрат Айтуғанов егін жинау жұмыстарының қорытындысы туралы есеп берді.
Астықтың жалпы жиынтығы бункерлік салмақта 23,1 миллион тоннаны құрады. Бұл өткен жылмен салыстырғанда 1,4 есеге артық. Ақмола облысында 5,7 миллион тонна, СҚО-да 5,6 миллион тонна, Қостанай облысында 5,5 тонна астық тартылды. Қарағанды облысында 1 миллион тоннадан астам астық жиналды.
Сонымен қатар, Ақтөбе және Батыс Қазақстан облыстарында тары өнімділігі өткен жылмен салыстырғанда сәйкесінше 4 және 3 есе артты.
Оңтүстік өңірдің облыстары мақта, қант қызылшасы және күріш өнімдерін жинау жұмыстарын жүргізіп жатыр, тиісінше жоғары түсім болады деп күтілуде. Биыл күріштің жалпы жиынтығы 432 мың тоннаға жетті. Қызылорда облысында өнімділік 47 ц/га құрады, сәйкесінше, бұл рекордты көрсеткіш.
Бұдан өзге, вице-министр майлы дақылдар бойынша орылуы керек алқаптың 46 пайызы орылғанын айтты. Жалпы жиынтық өткен жылғыдан 1,2 есе көп болады деп болжануда. Өнімділік 10 ц/га құрайды. Ескерер болсақ, соңғы 5 жылда ол 8,1 ц/га аспаған.
Отырыста егін жинау науқанының оңтайлы уақытта аяқталуы ұйымдастырушылық деңгейінің жоғары болуының, материалдық-техникалық жабдықтау мәселесінің дер кезінде шешілуінің және жоғары түсімді егін жинау техникасын қолданудың арқасында болғаны айтылды.
