Қазақстан футбол федерациясының президенті Ерлан Қожағапанов қызметінен кетті, деп хабарлайды Baq.kz тілшісі.
Бұл туралы Федерациясының ресми сайты хабарлады. Бүгін Қазақстан футбол федерациясының Атқарушы комитетінің отырысы өтті. Жиын барысында осындай шешім қабылданды. 48 жастағы Қожағапанов оқуға кететінін мәлімдеп, қызмет орнын босатты.
Ерлан Тоқтарханұлы бұл қызметке 2014 жылдың 24 желтоқсанында келген болатын. Уақытша федерация президентінің міндетін Сейілдә Байшақов атқарады. Жарғыға сәйкес, жақын арада федерацияның жаңа президентін сайлау өтеді.
Айта кетейік, бұған дейін Айсұлтан Назарбаев өзінің кандидатурасын ұсынған болатын.