+7 (777) 001 44 99
Қазақша
Русский
English
20 қазанда Көкшетаудың ІІБ-ның кезекші бөліміне 76 жастағы кейуана арызданған, - деп хабарлайды Tengrinews.kz тілшісі Ақмола облысы ІІД баспасөз қызметіне сілтеме жасап.
Зейнеткердің айтуынша, оның киім сөресінде сақталып келген "Еңбек ардагері" медалі жоғалып кеткен.
Полицейлер бірден тергеу шараларын жүргізіп, медалді зейнеткер әжейдің 44 жастағы ұлының ұрлағанын анықтады. Оның үстіне бұл ұрлықтың биыл шілде айында жасалғаны белгілі болды.
Күдіктінің айтуынша, анасынан ұрлап алған медалді ол бір шөлмек араққа айырбастап жіберген. Ал құқық қорғау органдарының хабарлауынша, келтірілген шығын құны 20 мың теңгені құраған.
Қазіргі кезде ұрлық бабы бойынша қылмыстық іс қозғалды. Полиция иесіне қайтару мақсатында жоғалған медалді іздестіріп жатыр.
