+7 (777) 001 44 99
Қазақша
Русский
English
Қазақша
Русский
English
ПОДЕЛИТЬСЯ
Экономика мен саясат саласындағы әлемдік сарапшылар Астанаға қарашада келеді, - деп хабарлайды Tengrinews.kz тілшісі Қазақстан Республикасы Тұңғыш Президенті - Елбасы Қорының баспасөз қызметіне сілтеме жасап.
Экономика мен саясат саласындағы әлемдік сарапшылар Астанаға қарашада келеді, - деп хабарлайды Tengrinews.kz тілшісі Қазақстан Республикасы Тұңғыш Президенті - Елбасы Қорының баспасөз қызметіне сілтеме жасап.
Іс-шараға әлемнің 20 елінен келетін 50-ден астам жетекші сарапшылар, саяси және қоғамдық қайраткерлер қатысады деп жоспарлануда (Австрия, Ауғанстан, Бельгия, Ұлы Британия, Германия, Индия, Иран, Қазақстан, Қырғызстан, Қытай, Пәкістан, Корея Республикасы, Ресей, Сингапур, АҚШ, Тәжікстан, Түркия, Франция, Швейцария, Жапония).
Астана клубы отырысының шеңберінде әлемдік саясат пен экономикаға әсер ететін ең маңызды проблемаларды шешу жолын іздестіру бойынша дискуссиялық алаңдардың жұмысын ұйымдастыру жоспарланған.
Қазақстан Республикасы Тұңғыш Президенті - Елбасы Қорының халықаралық экономика және саясат институты Еуразияның басты ойыншыларының негізгі бағыттары мен даму трендін, ұстанымы мен мүдделерін қамтып көрсететін талдамалық баяндама әзірленеді.
Сонымен қатар, отырыс барысында Қазақстанның мемлекеттік билік органдарының өкілдерімен және іскерлік топтарымен кездесулер өткізіледі.
Талқылау Chatham House форматында өтеді. Жұмыс ағылшын, орыс, қытай тілдерінде жүргізіледі.
Астана клубы - Қазақстан Республикасы Тұңғыш Президенті - Елбасы Қорының жетекші зерттеу институттарымен - Қытай қазіргі заманғы халықаралық қатынастар академиясы, Германия сыртқы саясат кеңесі, Ресей халықаралық істер кеңесі және Карнеги халықаралық бейбітшілік қорымен әріптестік ретінде құрған халықаралық дискуссия алаңы болып табылады.
Астана клубының бірінші отырысы 2015 жылғы қарашада әлемнің 15 елінен келген 47 сарапшының қатысуымен өткізілді, онда Еуразияның геоэкономикасының негізгі аспектілері, жаһандық және өңірлік ойыншылардың мүдделері, экономикалық сын-тегеуріндері мен мүмкіндіктері талқыланды.
