31 қазан 2016 | 15:28

"Құнанбай" фильмі Халықаралық кинофестивальде жүлдеге ие болды

viewings icon comments icon

ПОДЕЛИТЬСЯ

whatsapp button telegram button facebook button
© "Қазақфильм" АҚ баспасөз қызметі © "Қазақфильм" АҚ баспасөз қызметі

Шәкен Айманов атындағы "Қазақфильм" АҚ жарыққа шығарған "Құнанбай" фильмі Уфа қаласында қазанның 26-ы мен 28-і аралығында өткен "Күміс Ақбозат" атты ІІІ Халықаралық ұлттық және этникалық кинофестивалінде Әмір Әбдіразақов атындағы "Ұлттық рух" жүлдесімен марапатталды, - деп хабарлайды Tengrinews.kz тілшісі "Қазақфильм" АҚ баспасөз қызметіне сілтеме жасап.

whatsapp button telegram button facebook button copyLink button
Иконка комментария блок соц сети

Шәкен Айманов атындағы "Қазақфильм" АҚ жарыққа шығарған "Құнанбай" фильмі Уфа қаласында қазанның 26-ы мен 28-і аралығында өткен "Күміс Ақбозат" атты ІІІ Халықаралық ұлттық және этникалық кинофестивалінде Әмір Әбдіразақов атындағы "Ұлттық рух" жүлдесімен марапатталды, - деп хабарлайды Tengrinews.kz тілшісі "Қазақфильм" АҚ баспасөз қызметіне сілтеме жасап.

"Құнанбай" фильмі - атақты дала кемеңгері, қарадан шығып хан атанған Ұлы Абайдың әкесі - Құнанбай Өскенбайұлының өнегелі өмірінің бір кезеңін қамтиды. Картинаның режиссері Қазақстанның Халық артисі, Мемлекеттік сыйлықтың иегері, қазақ мәдениетінің көрнекті қайраткері, өнер ардагері Досхан Жолжақсынов.

"Шығармашылық топтың фильмді түсірердегі мақсаты: халқымыздың құндылықтарын дәріптеу арқылы, жастардың бойында ұлттық рухты ояту болды. Енді міне, бүгінде еңбегімізді бағаланып жатыр. Картинаны түсіруге атсалысқан түсіру тобын осы жеңіспен құттықтаймын", - деді фильмнің режиссері Досхан Жолжақсынов.

Естеріңізге сала кетсек, "Құнанбай" тарихи көркем фильмі былтыр қыркүйек айында прокатқа шықққан. Осы жылдың қыркүйек айында Ресейдің Липецк қаласында өткен XII Халықаралық мұсылман кино фестивалінің негізгі байқауында көрсетілген болатын.

Ал 30 қыркүйекте "Еуразия" кинофестивалі шеңберінде аталмыш фильм Ұлттық кинематография өнері және ғылымы академиясы тағайындаған "Тұлпар" ұлттық киножүлдесімен марапатталды. Басты рөлді сомдаған актер Досхан Жолжақсынов "Ең үздік ер адам рөлі" жүлдесімен, фильмнің композиторы Төлеген Мұхамеджанов "Фильмнің ең үздік музыкасы" жүлдесімен, ал картинаның қоюшы суретшісі Рустам Одинаев "Ең үздік суретші-қоюшы жұмысы" жүлдесімен марапатталды. Сонымен қатар, марқұм Таласбек Әсемқұлов және Досхан Жолжақсынов жазған фильмнің сценариі үздік деп танылды.

Халықаралық "Күміс Ақбозат" кинофестивалі әлем халықтарының рухани және мәдени құндылықтарын насихаттауға, ұлттық және этникалық бағыттағы фильмдерді түсіруші кинематографистер шығармашылығын дәріптеуге, Ресей аймақтары және шетелдермен мәдени қатынасты дамыту үшін арнайы жасалған. Кинофестиваль Уфа қалалық округі әкімдігінің қолдауымен Башқұртстан үкіметі мен Башқұртстан Республикасының мәдениет министрлігі, "Башқұртстан" киностудиясының ұйымдастыруымен өтеді.

Читайте также
Join Telegram Последние новости
Лого TengriNews мобильная Лого TengriLife мобильная Лого TengriSport мобильная Лого TengriAuto мобильная Иконка меню мобильная
Иконка закрытия мобильного меню
Открыть TengriNews Открыть TengriLife Открыть TengriSport Открыть TengriAuto Открыть TengriTravel Открыть TengriEdu Открыть TengriGuide

Валюта бағамы

 527.47  course up  545.71  course up  4.93  course down

 

Ауа райы

 

Редакция Жарнама
Социальные сети
Иконка Instagram footer Иконка Telegram footer Иконка Vkontakte footer Иконка Facebook footer Иконка Twitter footer Иконка Youtube footer Иконка TikTok footer Иконка WhatsApp footer