11 қараша 2016 | 09:17

Туды қоқысқа тастаған әйел халықтан кешірім сұрады

Ардақ Құлтаев

Қостанайда қалалық халыққа қызмет көрсету орталығының маңында мемлекеттік туды қоқысқа тастаған әйел халықтан кешірім сұрады, - деп хабарлайды "Наша газета".

Қостанайда қалалық халыққа қызмет көрсету орталығының маңында мемлекеттік туды қоқысқа тастаған әйел халықтан кешірім сұрады, - деп хабарлайды "Наша газета".

Басылымның мәліметінше, әйел "Сұлтан" спорт кешенінде вахтер болып жұмыс істейді. 29 жастағы Ольга Шумилова тудың қоқысқа кездейсоқ тасталғанын айтады. "Мұндай жағдайға өмірімде бірінші рет түсіп отырмын. Не істерімді де білмеймін. Сондықтан адамдарға айтарымды айтқым келеді, мұндай жағдай қайталанбауы үшін мұқият болса екен деймін. Халықтың алдында және ұжымның алдында кешірім сұрағым келеді. Өз әріптестерімнің атына кір келтіріп отырмын, сол үшін өкінемін", - деді әйел.

Сонымен қатар, ол басылым тілшісіне оқиғаның қалай болғанын баяндады. "Мен жаттығу залын жинастырып жүріп, бүктелген туды көріп қалдым. Оны жайып қарасам, сырдың ізін көрдім, кейін оны қайта бүктеп қойдым да, қалған қоқыстың жанына қоя салдым. Сосын маған күйеуім келіп қалып, бізге халыққа қызмет көрсету орталығына баруымыз керек болды. Асығып-үсігіп жүріп, онда не жатқанын аңғармай, қоқыс контейнеріне тастап кетіп қалдым", - деді ол.

Шумилова халыққа қызмет көрсету орталығында бір сағаттай болғанын айтып отыр. Кейін ол қалған қоқыспен бірге туды да лақтырып жібергенін есіне түсіріп, қоқысқа қайта барғанын, бірақ туды таппай қалғанын айтады. Әйел туды жуып, алып тастағысы келген. "Қоқыс жәшігінен таппаған соң, оған мән бермеппін. Біреу-міреуге керек болып қалған шығар деп ойладым", - дейді ол.

© ng.kz

Еске салайық, осыған дейін "НГ" тілшісі Қостанайда Халыққа қызмет көрсету орталығы ауласындағы қоқыс жәшігіне белгісіз біреулер мемлекеттік туды тастап кеткенін жазған болатын. Басылым тілшілері бұл суреттерді Қостанайдағы Таран көшесінде орналасқан Қызмет көрсету орталығының ауласында бүгін шамамен сағат 16.00-де түсірген.

"Полицейлер бұл туды кімнің қоқысқа тастағанын менен сұрады. Сосын мен өзім мойындадым. Ештеңе жасырмадым. Олар маған Қылмыстық кодексті оқып берді, бұлай жасауға болмайтынын айтты", - деді Шумилова. Оқиғадан кейін оған жұмысында сөгіс жарияланып, сыйақысынан айырыпты. Бірақ жұмыстан шығармапты.

ІІД баспасөз қызметінің мәліметінше, бұл іс бойынша соталды тергеу әлі аяқталмаған.

Құқық қорғау органдары Мемлекеттік қызмет Заң