+7 (777) 001 44 99
Қазақша
Русский
English
Көкшетауда сүйіктісінің ақшасын ұрлап алған қыз ұсталды, - деп хабарлайды Tengrinews.kz тілшісі Ақмола облыстық сотының баспасөз қызметіне сілтеме жасап.
20 қарашада 32 жастағы жігіт қалалық ішкі істер басқармасына 180 мың теңгесінің ұрланғаны жайлы арыз жазған. Ол үйіне біреулердің кіріп, ақшаны алып кеткенін мәлімдеген.
Кейін полиция қызметкерлері мекен-жайға барып, пәтерді қарап шыққан. Криминалистер есік құлпының бұзылмағанын анықтап, осыдан жәбірленушінің туған туыстарын тексеріп, көршілерінен жауап ала бастайды. Кейін аулалардағы және үйдің кіреберісіндегі видеобақылау камераларындағы жазбалар тексерілген.
Жедел уәкілдер ақшаны жәбірленушінің 29 жастағы сүйіктісі ұрлағанын анықтаған. Сөйтсек, оның да пәтер кілті болыпты. Күдікті ақшаны ұрлағанын мойындап, қарыз өтеу үшін алғанын мәлімдеген.
Қазіргі уақытта осы дерек бойынша ҚР Қылмыстық кодексінің 188-бабының 1-бөлігі бойынша қылмыстық іс қозғалып, тергеу жүргізіліп жатыр.
