+7 (777) 001 44 99
Қазақша
Русский
English
Өзге көлікке тұрақтан шығуға жол берген жүргізушіні мазақ еткен полицейлер жазаланды. Полицейлердің қылығына наразы болған жүргізуші виедоны Желіге жариялаған болатын, - деп хабарлайды Tengrinews.kz тілшісі.
"БАҚ-та жарияланған мәліметке қатысты қызметтік тергеу жүргізіліп, оның қорытындысы бойынша Алматы ІІД-нің 30 желтоқсандағы жарлығымен Алматы ІІД ӘПБ жол-патрульдік полицияның арнайы батальонының инспекторлары Мемлекеттік қызметкердің этикалық нормасын бұзғаны үшін және қарамағындағылардың әрекетіне қажетті бақылау жасамаған командир әкімшілік жауапқа тартылды", - делінген ҚР ІІМ Әкімшілік полиция комитетінің Facebook-тегі парақшасында.
Еске салайық, Оқиға Алматыдағы Жібек Жолы мен Қонаев көшелерінің қиылысында болған. Басылым оқырманы бағдаршамның жасыл түсіне үлгере алмайтынын аңғарып, тұрақтан шығып келе жатқан ВАЗ-2107 жүргізушісіне жол беруді ұйғарады. Осы уақытта оның артынан қызметтік көлікпен келіп қалған полицейлер дыбыс зорайтқышпен "Suzuki, жүресің бе, жоқ па?" дейді. Кейін полицейлер жүргізушіге "қызыл кресттенсің бе?" деп тағы сұрақ қояды. "Бұл сұрақ жүргізушіге сол ұйымда жұмыс істейтінін анықтау үшін қойылды, бірақ оның сұрағынан құрмет белгісі танылмады", - деп жазады басылым. Бұдан кейін жүргізуші мен полицей сөз таластырып қалған еді.
