+7 (777) 001 44 99
Қазақша
Русский
English
Алматыда Түрксіб ауданындағы "Маяк" айырбастау пунктінің басшысы Пархат Зурдинов жоғалып кетті. Бұл туралы Tengrinews.kz тілшісіне ер адамның әпкесі Халида Юлдашева хабарлады.
Әйелдің айтуынша, ағасы 20 желтоқсанда үйден (Серпуховская көшесі, 38) жұмысқа қарай шығып кетіп, сол бойы оралмаған. Сондай-ақ, ол сол күні көлігі бола тұра, таксимен кеткен екен. Айта кетейік, ер адамның әйелі мен төрт баласы бар.
"Ағамды сол күні Қордайда көріпті. Видеокамерадан оның қорқып тұрғаны көрінеді. Біреулер қысым көрсетіп жатқандай. Ол онда өзі кете алмайтын еді. Оның мұнда отбасы бар, айырбастау пунктінің басшысы болып қызмет істейді", - деді әйел.
Пархат Зурдиновтың туыстары бірден полицейлерге арыз жазған, бірақ әзірше ешқандай да нәтиже жоқ.
