Алматы облысының полицейлері Алматыға кіреберісте уақытша блокпосттардың пайда болғаны туралы мәліметті растап берді, - деп хабарлайды Tengrinews.kz тілшісі өңірдің ІІД баспасөз қызметіне сілтеме жасап.
"Шын мәнінде, Алматыға жақын маңда тоғыз блокпосттар қойылды, олар 28-ші қысқы Универсиадасын өткізудегі қауіпсіздік шараларын сақтау барысында жүзеге асырылды. Сонымен қатар, іс-түссіз жоғалып кеткен адамдар мен іздеуде жүрген қылмыскерлерді тоқтату міндеті жүктелді және де автокөлік иелерімен ескерту-түсіндіру жұмыстарын да жүргізеді", - деді Алматы облыстық ІІД баспасөз қызметінің мамандары.
Облыстық ІІД мамандарының айтуынша, уақытша блок-посттар спорттық шаралар аяқталғанға дейін тұрады, яғни 9 ақпанға дейін. Осы орайда полиция істелініп жатқан шараларға түсінікпен қарауды сұрайды.