+7 (777) 001 44 99
Қазақша
Русский
English
Атырау тұрғындары қала орталығындағы өзенде көлікпен жүрген жүргізушінің әрекетін видеоға түсіріп алды, - деп хабарлайды Tengrinews.kz тілшісі.
Жүргізуші облыстық әкімдікке қарама-қарсы орналасқан ғимарат алдындағы мұзды өзенде жүрген. Куәгерлердің айтуынша, ол жүргізуші күнделікті "Нива" көлігімен жылдамдығын асырып, сол мұз үстімен жүреді. Осыған байланысты тұрғындар полицейлерден осы мәселені шешуді, оның әрекетінің дұрыс немесе бұрыс екендігін анықтауын сұрайды. "Қала орталығында осындай әрекет жасау нағыз жабайылық қой. Ол күніне бірнеше рет осылай жүреді. Кейде басқа жүргізушілер соның істегенін қайталайды. Бұл жол ережесін бұзу ғой, онымен қоса онда адамдар балық аулайды. Өзендегі мұз көліктің салмағын көтере алмай қалған жағдайда жүргізуші көлігімен қоса жақын маңдағы адамдарды да құлатады ғой", - деді қала тұрғындары.
