Астанада жаңа мемориал кешен ашылады, - деп хабарлайды Tengrinews.kz тілшісі қалалық Сәулет және құрылыс басқармасына сілтеме жасап.
Мемориал кешен Астананың оңтүстік-батыс бөлігінде "Сарыарқа" көпірінің маңына салынады. Кешен 36 гектар аумаққа қойылады.
Яндекс Картадан скриншот. Мемориалды кешеннің орналасатын жері.
"Кешенге бөлінген аумаққа мына нысандар орналастырылады: монумент, ғимарат (мешіт, мұражай және т.с.с.) саябақ, гүлзар, алаң, мүсінді мемориал кешен, сәнді субұрқақтар, бассейндер, автотұрақтар, велосипед және жаяу жүргіншілер көпірі, пирс", - дейді баспасөз қызметінің өкілдері.
Қазіргі кезде жобаның сызба-идеясы ғана жасалып жатыр. Құрылыс жұмыстарының қашан басталатыны әлі белгісіз.