Челябіде "Барыс", "Авангард" және "Торос" командаларының 11 жастағы ойыншылары уланып қалды, - деп хабарлайды 31TV.ru.
Басылымның мәліметінше, бапкерлер 20 адамға дәрігерлерді шақырған. Осылайша, төтенше жағдай болған жерге жедел жәрдемнің 6 бригадасы барған. Алдын ала мәлімет бойынша, балалар ротавирустық инфекция жұқтырып алған.
"Балаларымыздың екеуінің жағдайы орта деңгейлі, тағы біреуінің жағдайы жақсарды, ал қақпашымыздың жағдайы өте нашар. Сұмдық түн болды", - деді хоккейшілердің бірінің анасы Анастасия Донец.
Сондай-ақ, "Барыс" командасы хоккейшілерінің бірінің анасы Tengrinews.kz тілшісіне команданың жарыстардан толықтай алынып тасталғанын және 30 наурызда Қазақстанға пойызбен қайтатындарын айтты.