Орта салмақтағы WBO белбеуінің иегері Билли Джо Сондерс (24-0, 12 КО) Геннадий Головкинмен (37-0, 33 КО) жекпе-жек жайлы келісе алмаса, рингке кіммен шығатынын айтты, - деп хабарлайды Vesti.kz.
"Головкин жекпе-жектен қашатын болса, Мигел Коттомен жұдырықтасқым келеді", - деп жазды Сондерс Twitter желісіндегі парақшасында.
Еске сала кетейік, осыған дейін Сондерстің промоутері Головкиннің командасымен келіссөздердің басталғанын мәлімдеген болатын. Сондай-ақ, боксшылардың кездесуі Астанада маусым айында өтетіні хабарланған еді. Сондерстің өзі де Қазақстанға келуге дайын екенін мәлімдеген болатын.