Қазақстанның Ресейдегі елшісі шетелдік әріптестерін қабылдады.
Қазақстан Республикасының Ресей Федерациясындағы Төтенше және Өкілетті елшісі Иманғали Тасмағамбетов 5 сәуірде Ресейдегі Босния және Герцеговина елшісі Мустафа Муезинович пен Экваториалды Гвинея елшісі Хосэ Эсоно Мичу Акенганы қабылдады, - деп хабарлайды Tengrinews.kz тілшісі.
Мустафа Муезиновичпен кездесу кезінде екі жақты инвестициялық ықпалдастық мәселесі талқыланды.
Иманғали Тасмағамбетов қонақты Қазақстандағы әлеуметтік-экономикалық модернизация барысымен және еуразиялық интеграцияның маңызды тұстары туралы баяндап берді.
Хосэ Эсоно Мичу Акенгамен кездесу барысында елдердің екі жақты дипломатиялық қатынастарын дамыту талқыланды. Тасмағамбетов қонағын халықаралық "ЭКСПО-2017" көрмесіне шақырды.
Иманғали Тасмағамбетов 2017 жылдың 3 ақпанында Қазақстанның Ресейдегі елшісі болып тағайындалды. Нұрсұлтан Назарбаев бұл тағайындау Тасмағамбетовтың өз сұранысымен болғандығын айтқан еді.