+7 (777) 001 44 99
Қазақша
Русский
English
Су басқан аудандарда құтқарушылар тұрғындарды эвакуациялаған үйлерде жергілікті полиция қызметкерлері күзетіп жатыр. Тонаушылыққа жол берілмейді, - деді Ішкі істер министрінің орынбасары Юрий Ильин Орталық коммуникациялар брифингінде, - деп хабарлайды Tengrinews.kz тілшісі.
"Республика бойынша бүгінгі күнге дейін еріге қар суы мен жаңбырдың толассыз жаууына байланысты 1156 үй су астында қалды, дер уақытында 4715 адам эвакуацияланды. Ақмола облысында - 1340, ШҚО - 52, Жамбыл - 55, Қарағанды - 1850, Қостанай - 200, Ақтөбе - 1174 және СҚО - 44 адам қауіпсіз жерге көшірілді. Бірден айта кетейін, осы аталған өңірлерде әкімдік қызметкерлері және жергілікті полиция қызметі күзетіп жатыр. Сол себепті де тонаушылыққа жол берілмейді", - деп сендірді Ильин.
Оның айтуынша, 900-ге жуық адам қауіпті аймақтан шыққан үйлеріне қайтып оралған.
