+7 (777) 001 44 99
Қазақша
Русский
English
Жемқорлыққа қарсы ұлттық бюро қызметкерлері Солтүстік Қазақстан облысында аудандық ІІБ басшысын ұстады, - деп хабарлайды Tengrinews.kz тілшісі ведомствоның баспасөз қызметіне сілтеме жасап.
"Солтүстік Қазақстан облысы бойынша Сыбайлас жемқорлыққа қарсы ұлттық бюросы жеке тұлғадан қылмыстық іс бабын өзгерту мен процессуалдық келісім жасау үшін 500 мың теңге көлемінде кезекті параны алып жатқан жерінде Тайынша ауданының ІІБ басшысы, полиция полковнигі П. Мартынюкті ұстады", - делінген хабарламада.
Ведомство мәліметі бойынша, параның жалпы көлемі 1,85 миллион теңге. Күдікті уақытша қамау абақтысына қамалды. Сотқа дейінгі тергеу басталды.
