+7 (777) 001 44 99
Қазақша
Русский
English
Шығыс Қазақстан облысында жергілікті орман шаруашылығының инспекторы қылқан жапырақтыларды заңсыз кескен. Ер адам бұл ісін өз кеңсесін жылыту мақсатында істегенін айтып, осылайша заң бұзуға тура келгенін жеткізді, - деп хабарлайды Tengrinews.kz тілшісі.
Іс материалдары бойынша, Бесқарағай аудандық сотында қарастырылған істе жергілікті орман шаруашылығының инспекторы өткен жылы қылмыс үстінде ұсталған. Бірнеше күннің ішінде ол 80-нен аса қарағайды рұқсатсыз, келісімсіз кесіп тастаған. Ер адам ұсталған кезде өз әрекетінің белгілі себебі бар екенін айтып ақталған.
Айыпталушы рақымшылық заңынан бас тартып, жазасын толық өтеуді өзі сұраған. Сот үкімімен бұрынғы инспектор 90 сағат қоғамдық жұмыстар істейді, сонымен қатар ол табиғатқа келтірілген залал мөлшерін өтеуі тиіс. Бір жыл ішінде ол орман шаруашылығына қатысты қызметке орналаса алмайды.
