Астанада ұлттық нақыштағы заманауи граффити пайда болды

Мөлдір Қалықова

Астананың оң жақ жағалауында ұлттық нақыштағы заманауи граффити салынды, - деп хабарлайды Tengrinews.kz тілшісі.

Елордадағы жаңа көркем туынды Бейбітшілік көшесінде орналасқан тұрғын үйлердің бірінде пайда болған. Тұрғын үйлердің қабырғаларына салынған суреттерді Астана қаласы әкімінің баспасөз хатшысы Эльвира Жүргенбаева Facebook желісіндегі парақшасында жариялады. Оның айтуынша, керемет туындыны "Астана" концерт залының маңынан көруге болады. Сондай-ақ, әкімнің баспасөз хатшысы мұндай туындылардың елордадағы басқа да көпқабатты үйлерде пайда болуы мүмкін екенін айтты.