+7 (777) 001 44 99
Қазақша
Русский
English
Бір ай бұрын Семейде жоғалып кеткен 19 жастағы Жансая Сафаева Алматыдан табылды, - деп хабарлайды Tengrinews.kz тілшісі. Бұл мәліметті еріктілер растады.
"Кеше сағат 16.50-де бізге Алматыдан хабарласты. Бір әйел жоғалып кеткен қыздың оның кафесінде жұмыс істейтінін айтты. Содан біз алматылық еріктілерге хабарласып, бар мәліметті тексеруін айттық. Еріктілер сол жаққа барды, бірақ қыз жұмыс орнында болмапты. Жалдамалы пәтерінде болған. Еріктілер қыздың пәтеріне барып, оны тапты. Алматыда қыздың туыстары бар екен, әзірше ол туыстарының үйінде", _ деп хабарлады "RINA. KZ-Семей" еріктілер қозғалысының жетекшісі Евгения Павел.
Қыздың мұндай әрекетке баруының себебі белгісіз.
"Меніңше, ол үйіне барған соң өзі сөйлеседі. Бұл телефонмен айтатын әңгіме емес. Бастысы аман-есен табылды", - деді Евгения Павел.
Еске сала кетейік, 19 жастағы Жансая Сафаева 14 шілдеде жоғалып кеткен болатын. 2017 жылдың 14 шілдесінде шамамен күндізгі сағат 4-терде үйден шығып кетіп сол күйі оралмаған еді.
