+7 (777) 001 44 99
Қазақша
Русский
English
Оңтүстік Қазақстан облысында үш ер адам пышақ жарақатын алып, ауыр халде жатыр, - деп хабарлайды Tengrinews.kz тілшісі.
Ер адамдар Шымкент жедел жәрдем ауруханасында жатыр. Олар Қазығұрт ауданындағы Рабат ауылында пышақтасқаннан кейін аурухана түскен. "Әр түрлі жарақат алған алты адам ауруханаға түсті. Олардың үшеуі Шымкент қаласының тұрғындары, ал үшеуі оқиға болған ауылдың тұрғындары. Зардап шеккендердің екеуі 1985 жылғы, қалғандары 1995 жылғы. Үшеуін біз үйіне қайтардық, ал үшеуі ауруханада жатыр. Олардың жағдайы ауыр", - деді Қабылдау бөлімінің меңгерушісі Сәбит Байбосынов.
Оның айитуынша, ауруханада жатқандардың жарақаты тым ауыр, олардың өкпесіне және жүрегіне зақым келген. Зардап шеккендердің бірі екі литр қан жоғалтқан, оған лапаротомия жасады.
Осы дерек бойынша ҚР Қылмыстық кодексінің "Денсаулыққа қасақана ауыр зиян келтiру" және "Бұзақылық" баптарымен қылмыстық іс қозғалды.
