+7 (777) 001 44 99
Қазақша
Русский
English
ҚР Премьер-Министрі Бақытжан Сағынтаев пен ҚР Президенті Әкімшілігінің Басшысы Әділбек Жақсыбеков "Самұрық-Қазына" ҰӘҚ" АҚ ұжымына жаңа басқарма төрағасы – Ахметжан Есімовті таныстырды, - деп хабарлайды Tengrinews.kz тілшісі primeminister.kz сайтына сілтеме жасап.
"Қордың алдында Мемлекет басшысының қойған өте маңызды, оның ішінде трансформациялау бағдарламасын одан әрі іске асыру бойынша міндеттері тұр", - деп атап өтті Бақытжан Сағынтаев.
Премьер-Министр Ахметжан Есімовтің елге сіңірген еңбегін атап өтіп, мемлекеттік күрделі міндеттерді орындаудағы жоғары кәсіпқойлығы мен жауапкершілігін баса айтты. Қысқа уақыттың ішінде Ахметжан Есімов "Экспо-2017" Халықаралық көрмесіне" тиімді дайындық пен оның табысты өтуін ұйымдастырды.
Премьер-Министр жаңа басқарма төрағасы мен Қор ұжымына табыс тілеп, еліміздің Президенті белгілеген мақсат пен міндеттерге жету бойынша жұмысты жандандыру қажеттігін атап өтті.
