+7 (777) 001 44 99
Қазақша
Русский
English
Петропавлда түнгі уақытта орталықтағы суық су құбыры жарылды. Төтенше жағдайдың салдарынан бірнеше көше жабылып, 15-20 шақты үй, мектеп және балабақша сусыз қалып отыр, - деп хабарлайды Tengrinews.kz тілшісі.
Қазақстан Конституциясы, Васильев, Астана көшелерін су басқан. Жер үйлер де су астында қалып отыр.
"15-20 шақты үй сусыз қалып отыр. 4-ке жуық әлеуметтік нысан да сусыз қалды, оның ішінде мектептер мен балабақшалар бар. Онда су жеткіздік", - деді "Қызылжар су" ЖШС бас инженері Сергей Визеров.
Қазіргі уақытта оқиға орнында "Қызылжар су" ЖШС пен "Коммунхоз" мамандары мен техникалары жұмыс істеп жатыр. Осыған байланысты қала орталығындағы бірнеше жолды жабуға тура келген.
Алдын ала мәлімет бойынша, үйлерге су 5 қаңтарға дейін беріледі.
Суреттер мен видеолар © Tengrinews.kz
