+7 (777) 001 44 99
Қазақша
Русский
English
Теміртауда ауруханада бір жарым жасар сәби қайтыс болды, - деп хабарлайды Tengrinews.kz тілшісі.
Сәби 3 қаңтарда орталық аурухананың жұқпалы аурулар бөліміне түскен. Оған ішек инфекциясы мен асқазан-ішектік қабыну диагноздары қойылған. Ауруханаға түскен кезде баланың дене температурасы 38,6 болған.
Облыстық денсаулық сақтау басқармасының баспасөз қызметінің мәліметінше, сәби 1 қаңтарда ауырып қалған. Содан анасы оны өз бетінше емдеген. Ал 3 қаңтарда сәби ауруханаға түседі.
"Бактерияға қарсы терапия жүргізілді. Барлық ем жоспарға сәйкес жүргізілді. Бірақ баланың жағдайы бірден нашарлап кеткен. Дәрігерлер сұйықтықпен де емдеген. Алайда олар мұнымен көмектесе алған жоқ, сәби 3 қаңтарда кешкі уақытта қайтыс болды", - деді баспасөз қызметінің жетекшісі Айжан Иса.
