+7 (777) 001 44 99
Қазақша
Русский
English
"Ресей тікұшақтары" құрастыру бюросында салмағы 300 келі, 70 келіге дейінгі жүкті тасымалдай алатын дрон жасалады, деп хабарлады Lenta.ru порталы мемлекеттік сатып алулар сайтына сілтеме жасап.
Порталдың хабарлауынша, дрон ұшқышсыз және жерде тұрып мобильдік басқару пункті арқылы басқарумен және бақылаумен қамтамасыз етіледі. Ол ұшу-техникалық сипаттамаға сай және салмағы 300 келіге дейін болуы керек. Ұшудың ұзақтығы - алты сағат, максималды жылдамдығы - сағатына 180 шақырым.
"Құрылғы күндіз де, түнде де, түрлі метеорологиялық құбылыстарға қарамастан, жылдың кез келген мезгілінде, жер талғамастан, минус 40 градустан плюс 50 градусқа дейінгі ауа райында пайдалануға үнемі дайын болуы тиіс", - делінген жарияланымда.
Айта кетейік, жаңа дронның зерттеу жұмыстары 2018 жылдың шілдесіне дейін жүргізілуі тиіс. Дрон 2019 жылдың қаңтарына дейін сынақтан өтеді. Ғылыми-зерттеу жұмыстарының құны шамамен 395 миллион рубль.
