+7 (777) 001 44 99
Қазақша
Русский
English
Өскеменде екі апта бұрын жоғалып кеткен Анна Храмцова өз үйінің маңынан табылды, - деп хабарлайды Тengrinews.kz тілшісі YK-news.kz-ке сілтеме жасап.
Красин ауылының тұрғыны Храмцова 12 сәуірде үйінен шығып кеткен. Әйел адамды іздеу жұмыстары екі аптаға созылды.
Өткен демалыста еріктілер тобына тұрғындардың бірі хабарласып, Храмцованы Красин ауылынан көргенін айтқан. Тұрғын көрсеткен орынға жедел топ барып, жекеменшік үйлердің бірінен Анна Храмцованы тапқан.
Алдын ала мәліметтер бойынша, жергілікті тұрғындар Аннаның киімі ауа райына сай болмағандықтан, оған көңіл аударған. Қазір Анна Храмцова туыстарына оралды.
